صوت السُكات خَلّى حزني يكتبني بحروف العياط

صوت السُكات ؟

خَلّى حزني

يكتبني بحروف العياط

كل حاجه فيا إتشقلبت

كأن الأربع جوايا جاي

قبل التلات

إحساس ليالي سهرانه حزن

تحلم بضحكه محتاجه حضن

يلملم وجع وأنين سنين

معزوف على أوتار الآهات

رغم الأمل

مسلَّط دموع إتملمِلِت

تطَفى نار كَلِت الرماد

مَنا جوا مني إنعدم

بعد أما مات

شمسى تاهت عن شروقها

و ضي القمر جواها فات

هي القيامه فيَّا قامت

والاَّ إتقابلنا بالفراق

فاصلنا نور من المَدى

ضيُه السواد

جوايا سور من الشَقَى

مبني بأوجاع الهدم

لكل الحاجات

يا موت سُكات

ليه سَكرِتك صرخة قلم

نبرة حروفه الميته

جَرة ألم

فَـ إمتى هيموت الحِداد