بتاعة الحنجل والمنجل
بنت السلطان
قالتلى ياشارب الحنضل
إدينى أمان
رديت بعنيا فى قهوتها
و نسيت إن آنا إل ناديتها
تقرا الفنجان
قالت إسمعنى يادى الجدع
أنا وشوشتلك الودع
ياسلام ع عينها النعسانه
الرقه فى أجمل إنسانه
لقلبى الولهان
قالت جواك ألف حكايه
ولا ليها بدايه ولا نهايه
علشان ماشيها بالبركه
وعمرك أدامى شبه السمكه
فى بحر الأحزان
بصيت فى عينيها أتأمل
حسيت بعنيا بتتجمل
وندهلي ف عينيها دلالها
النن بينطق بجمالها
وساكت يا لسان
إديتها كفى على إيديها
وسمعت الضحكه بمعانيها
قالتلى روحك نادهالى
وعيونك بتقولى تعالى
الكدب حرام
قولتلها أكيد روحى الصادقه
ومكتوب ع قلبى ومين يقرا
العشق حلال
قالت إحساسك من ودعك
والكف قايلى ع وجعك
وكشفلى فنجانك سيرتك
وقالولى إن أنا أميرتك
وماعرفش آوان
قولتلها قصرك جوايا
أميرتى وبألف حكايه
آخرها بدأت بعينيكى
وكل نهايه قبليكى
فى طى النسيان
